|
 |
ஜுலை 4 போர்த்துக்கல் தூய எலிசபெத்
போர்த்துக்கல் தூய எலிசபெத்
பிறப்பிடம் : ஸ்பெயின் நாட்டின் ஸரகோசா அமைதியை ஆதரிப்பவர் அரகான் நாட்டு அரசரின் அழகிய மகள் எலிசபெத் 1271 ஆம் ஆண்டு பிறந்தார். குழந்தைப் பருவ முதல், அவள் பக்தியும் செபமும் கலந்த ஒரு தனித்துவம் மிக்க வாழ்க்கை வாழ்ந்து வந்தார். அவரது பெற்றோர் நலமெனக் கருதியதால் அவர் தமது 12 ஆவது வயதில் போர்த்துக்கல் அரசர் டினிஸ் என்பவரை மணந்து இரண்டு குழந்தைகளைப் பெற்றெடுத்தார். திறமைமிக்க தலைவராகிய டினிஸ் அவரது மக்களால் பெரிதும் நேசிக்கப்பட்டார். ஆனால் அவர் ஒழுக்கம் மற்றும் பிரமாணிக்கம் இல்Vத கணவராயிருந்தார். இருந்தபோதிலும், எலிசபெத் கணவரை மதிப்புடன் நடத்தி வந்தார். மேலும் தவறான முறையில் பிறந்த அவர் குழந்தைகளையும் படிக்க வைக்க உதவினார். ஆனால் தனது தந்தை, மாற்றாந்தாய் குழந்தைகள் மீது பிரியமாய் இருப்பதைக் கண்டு மகன் அல்போன்ஸா பொறாமை கொண்டு கொதித்தெழுந்தான். எலிசபெத் இவர்களிடையே சமாதானம் செய்ய முயன்றாலும், இருவருக்கும் இடையே வேற்றுமை வளர்ந்து, போர்க்களத்தில் போர் மூண்டது. அமைதியை ஏற்படுத்தும் இறுதி முயற்சியாக, எலிசபெத் இரண்டு படைகளுக்குமிடையே பயணித்து சமாதானம் செய்து வைத்தார். சேவையில் ஈடுபட்ட அரசி : கணவரது பிரிவினால் துயருற்று, தூய பிரான்சிஸ் சபையின் மூன்றாம் நிலையில் இணைந்து, ஏழைகளுக்கும் நோயுற்றோருக்கும் உதவுவதில் தன்னையே அர்ப்பணித்தார். 12 ஆண்டுகளுக்குப் பிறகு, தற்போது அரசராகியிருந்த அல்போன்ஸோ ஒரு தனிப்பட்ட தகறாரின் காரணமாக காஸ்டைல் நாட்டு அரசருக்கு எதிராகப் போர் தொடுத்தார். மறுபடியும் வயதான எலிசபெத் குதிரை மீதேறி படையைத் தொடர்ந்து சென்றார். அமைதி ஏற்பட அவரது முயற்சி வெற்றியளித்தது என்றாலும் இந்த முறை இந்த முயற்சி அவருக்கு வினையாய் இருந்தது. அவர் நோய்வாய்ப்பட்டு விரைவில் உயிர் நீத்தார். அவரது விருதுவாக்கு இன்று நமக்கு கிடைத்துள்ளது. நீ அமைதியை விரும்பினால் எல்லாம் நல்லதே நடக்கும். செபம் : இவரது அடிச்சுவற்றில் : மன்னிப்பது என்பது குறிப்பாக நாம் அதிகமாக பாதிக்கப்படும் பொழுது, மிகவும் கடினம். ஆனால் குற்றம் சுமத்துவது, நம்மை அதிகமாகப் பாதிக்கும். பதிலாக, மன்னிபதற்கு உறுதுணையாக இருக்கும் புரிதல் கிடைப்பதற்கு செபம் செய்வோம். மன்னிப்பின் வழியாக, நீங்கள் அமைதியைக் கண்டடைவீர்கள்.
லி.ஜெ. ஜோசப்
|
|
|