ஜுலை 30 J}a
அசிசியின் தூய ருஃபினஸ்
பிறந்த இடம் : இத்தாலி
திருவிழா நாள் : ஜூலை 30
தடைகளைக் கடந்து செல்லுதல்
அசிசியின் ஆயர்
இத்தாலியில் ஏறத்தாழ அசிசியில் இரண்டாம் நூற்றாண்டின் நடுவில் அல்லது இறுதியில் ருஃபினஸ் பிறந்ததாக அறியப்படுகிறது. அசி மலையைக் குறித்து அழைக்கப்படும் அசிசி நகரம் உரோமையிலிருந்து சுமார் 40 மைல் தொலைவில் உள்ளது. உரோமை ஆட்சியில் அது ஒரு செழிப்பான நகராக விளங்கியது. ஆனால் மூன்றாம் நூற்றாண்டில் அது ஒரு சிறிய முற்றுகையிடப்பட்ட கிறிஸ்துவக் கூட்டத்திற்கு இருப்பிடமாகத் திகழ்ந்தது. உரோமை அதிகாரிகளால் கிறிஸ்துவர்கள் துன்புறுத்தப்படுவது, சில காலமாக குறைந்திருந்தாலும், மறுபடியும் அது அதிகமாகத் தொடங்கியது.
ருஃபினஸ் பற்றிய உறுதியாகத் தெரிந்த உண்மைகளில் ஒன்று, அவர் 235 ஆம் ஆண்டில் அசிசி நகரின் ஆயரானார் என்பதாகும். அசிசியில் நம்பிக்கையாளரின் கூட்டத்தை தலைமையேற்று வழிநடத்தியும், முதல் கிறிஸ்தவர் அவர் அல்ல. சிஸ்போலிடஸ் என்பவர் மூன்றாவது நூற்றாண்டின் தொடக்க முதல் நடுவில் வரை நற்செய்தியை போதித்து வந்தார்.
அசிசியின் மறைசாட்சி :
போப் ஃபபியன் என்பவரால் அசிசியின் ஆயராக நியமிக்கப்பட்ட ருஃபினஸ், அவர் மறைசாட்சியாக உயிர்துறக்குமுன் 236 ஆம் ஆண்டில் ஒன்று அல்லது இரண்டு ஆண்டுகள் மட்டுமே சேவை புரிந்தார். இந்த காலக்கட்டத்தில் உரோமைப் பேரரசின் ஆட்சி அமைப்பு சரியத் தொடங்கியது. இந்தக் குழப்பத்தில், உரோமை ஆட்சியாளர் கிறிஸ்தவர்கள் தான் இந்த இன்னல்களுக்குக் காரணம் என்று குற்றம் சாட்டினர்.
புனித ருஃபினோ பேராலயம் அசிசியல் ருஃபினஸ் பெயரால் 1040 ஆம் ஆண்டு கட்டப்பட்டது. இன்றளவும் அவரது திருச்சின்னம் பாதுகாக்கப்பட்டு வருகிறது.
செபம் :
தந்தையாகிய கடவுளே, இந்த கடினமான நாட்களில் உமது மக்களைத் தேற்றுவதற்கு நம்பிக்கை மற்றும் மீட்பரை அனுப்பும் வாக்குறுதியோடு நீர் எவ்வாறு எசயா இறைவாக்கினர் அனுப்பினீர் என்று நினைத்துப் பார்க்கிறோம். உலகின் ஒளியாக நீர் அனுப்பிய இயேசு கிறிஸ்துவின் பெயரால் எங்கள் இடைவிடாத வேண்டுதல்களைக் கேட்டருளும். நற்செய்தியினால் உமது மக்கள் ஆறுதல் அடையவும், உமது இரக்கத்தினால் பெரிய வயல்வெளியின் அறுவடைக்காக உமது ஊழியரை அனுப்பியருளும். இயேசுவின் ஒளி எங்கள் எல்லோருடைய உள்ளங்களிலும் இப்போதும் எப்போதும் ஒளிர்வதாக. ஆமென்.
இவர்களது அடிச்சுவட்டில் :
குழப்பமான சூழலில், தேவையில் உழல்பவர்களுக்கு, ருஃபினஸ் நன்மைகளைக் கொண்டுவர முயற்சி செய்தார். நமது இந்தக் காலத்தில் மெயின் நகரில், போர்ட்லாந்தின் பிரிபிள் தெரு மூலதன நடுவம், தனது சொந்த வழியில், இதுபோன்ற செயல்களில் ஈடுபட்டு வருகிறது. மெயின் நகரில், இந்த 25 ஆண்டு பழமையான நிறுவனம், சமூக சேவை அளிப்பதில் பெரிய நிறுவனமாக விளங்குகிறது.
வீடற்றவர்களும், குறைந்த வருமானம் உள்ள தனிமனிதர்களும் தங்களது வாழ்க்கையை சீரமைத்துக்கொள்ள, ஒரு சிறிய, அடிப்படை சமூக இயக்கம் பிரிபிள் தெருவில் ஒரு மாதிரி குழுவை ஏற்படுத்தியுள்ளது. சமூகப் பணியில் ஆர்வமுள்ள மாணவர் உள்விடுதியில், ஈடுபாடுள்ள பொறுப்பாளர்களும், தாராளமாய் உதவும் தன்னார்வத் தொண்டர்களையும் உள்ளடக்கிய அமைப்பு கீழே குறிப்பிட்ட சேவைகளைச் செய்து வருகிறது.
தினமும் காலை உணவு நிகழ்வுகள்
மதியம் மற்றும் மாலை சிற்றுண்டி மையங்கள்
தேவையான குடும்பங்களுக்கு நகர் முழுவதும் உணவளிக்க உணவுக் கூடங்கள்.
பிரிபிள் தெருவின் விநோதமான ஒரு நிகழ்வு : ஸ்டோன் சூப், போர்ட்லேண்ட் பொதுசந்தை, உணவகம், சில்லறைகடை, பிறதொழில் செய்ய முற்படுவோருக்கு வேலை நுணுக்கங்களை கற்றுக்கொடுப்பது.
லி.ஜெ. ஜோசப் | 
